Saç əkimindən sonra qulluq – ilk günlər və bərpa dövrü
Saç əkimi müasir estetik dermatologiyada saç tökülməsinin effektiv müalicə üsullarından biridir. Lakin prosedurun uğurlu nəticəsi yalnız əməliyyatın keyfiyyətindən deyil, həm də əməliyyatdan sonrakı qulluq qaydalarına düzgün riayət edilməsindən asılıdır.
İlk 3 gün – donor sahəyə qulluq
Saç əkimi prosedurundan sonra başın arxa hissəsində yerləşən donor sahə xüsusi qoruyucu sarğı ilə bağlanır. Bu sarğı adətən 3 gün müddətində saxlanılır və həmin dövrdə klinikada dəyişdirilir.
1-ci gün
Əməliyyatdan sonrakı gün sarğı dəyişdirilir və donor sahə antiseptik məhlullarla təmizlənir.
2-ci gün
Sarğı yenidən dəyişdirilir və pasiyentə ilk saç yuma proseduru həyata keçirilir. Bu yuma xüsusi tibbi vasitələrlə və çox ehtiyatla aparılır.
3-cü gün
Donor sahədə sarğı çıxarılır və bərpa prosesi normal şəkildə davam edir.
Saçların yuyulması
İlk yuma klinikada aparıldıqdan sonra pasiyent saçlarını ev şəraitində düzgün yuma qaydalarını davam etdirməlidir.
Tövsiyələr:
• Saçları iliq su ilə yumaq
• Şampunu əvvəlcə köpükləndirib tətbiq etmək
• Əkilmiş nahiyəni sürtülmədən yumaq
• Saçları dəsmalla sürtmədən, yüngül toxunuşlarla qurulamaq
Adətən saçların gündə bir dəfə yuyulması və bu qaydalara təxminən 10–12 gün riayət edilməsi tövsiyə olunur.
Saç əkimindən sonra qadağalar
Saç köklərinin sağlam şəkildə tutması üçün aşağıdakı məhdudiyyətlərə əməl etmək lazımdır:
• İlk 7–10 gün baş nahiyəsini qaşımaq olmaz
• Ağır fiziki fəaliyyət və idman müvəqqəti məhdudlaşdırılmalıdır
• Sauna və hamam istifadə etmək olmaz
• Birbaşa günəş şüalarından qorunmaq lazımdır
• Spirtli içkilər və siqaret ilk günlərdə məhdudlaşdırılmalıdır
• Baş nahiyəsinə təzyiq edən dar papaqlardan istifadə edilməməlidir
Bərpa dövrü
Əkilmiş saç köklərinin ətrafında yaranan qabıqlar adətən 7–10 gün ərzində təbii şəkildə tökülür. Bu normal prosesdir.
Təxminən 2–3 həftə sonra müvəqqəti saç tökülməsi (shock loss) baş verə bilər. Bu vəziyyət normaldır və yeni saçların böyüməsi adətən 3–4 aydan sonra başlayır.
Nəticə
Saç əkimindən sonra düzgün qulluq qaydalarına riayət etmək transplantasiya olunmuş saç köklərinin sağlam şəkildə tutmasına və təbii nəticə əldə edilməsinə kömək edir.
